இஸ்லாம் – கேள்வி, பதில்கள் : அல்-குர்ஆன்

Q36) குர்ஆனில் பெயர் குறிப்பிடப்பட்ட ஒரே ஒரு பெண்மணி யார்?

A) மர்யம் (அலை)

Q37) நபிமார்களின் பெயரால் எத்தனை சூராக்கள் இருக்கின்றன?

A) 6 சூராக்கள் (யூனுஸ், ஹூத், யூசுப், இப்ராஹீம், நூஹ், முஹம்மது (ஸல்))

Q38) ஆயத்துல் குர்ஸி குர்ஆனில் எந்த பாகத்தில், சூராவில் உள்ளது?

A) மூன்றாவாது பாகத்தின் ஆரம்பத்தில், இரண்டாவது அத்தியாயத்தின் 255 ஆவது வசனம்.

Q39) அல்-குர்ஆனில் இறைவனின் திருநாமங்களாக எத்தனை பெயர்கள் குறிப்பிடப்பட்டுள்ளது?

A) 99 பெயர்கள்

Q40) மதினா வேறெந்த பெயரில் குர்ஆனில் குறிப்பிடப்படுகிறது?

A) யத்ரிப் (33:13)

Q41) பனி இஸ்ராயில் என யாரை குர்ஆன் குறிப்பிடுகிறது?

A) யாகூப் (அலை) அவர்களின் சந்ததியினர்களை

Q42) ஈமான் கொணடவர்களுக்கு உதாரணமாக அல்லாஹ் தன் திருமறையில் கூறும் இரு பெணமணிகள் யாவர்?

A) பிர்அவ்னின் மனைவி (66:11), இம்ரானின் புதல்வி மர்யம் (அலை) (66:12)

Q43) காபிர்களுக்கு உதாரணமாக இறைவன் தன் திருமறையில் கூறும் இரு பெண்கள் யாவர்?

A) நூஹ் (அலை) அவாகளின் மனைவி (66:10), லூத் (அலை) அவர்களின் மனைவி (66:10)

அல்லாஹ் நூஹ் நபியின் மனைவியை காபிர் என்று கூறியிருக்க, நம்மவர்கள் திருமண துஆக்களில் நூஹ் நபியின் மனைவி போல் வாழ்க என்று வாழ்த்துகிறார்கள். நூஹ் நபிக்கு பாரிஸா என்று நல்ல மனைவியும் இருந்ததாக இதற்கு ஒரு கடடுக் கதையையும் கூறுகிறார்கள். இது குர்ஆனிலோ, ஹதீஸிலோ ஆதாரமில்லாத வெறும் யூதக் கடடுக்கதைகளாகும்.

Q44) உள்ளங்கள் எவ்வாறு அமைதி பெறுகிறது என அல்லாஹ் குர்ஆனில் கூறுகிறான்?

A) அல்லாஹ்வை நினைவு கூறுவதன் முலம் உள்ளங்கள் அமைதி பெறுகின்றன. (13:28)

Q45) நபி ஈஸா (அலை) அவாகள் செய்ததாக இறைவன் குறிப்பிடும் அற்புதங்கள் யாவை?

A) 1) குழந்தையில் பேசியது, 2) களிமண்ணினால் பறவையை செய்து, இறைவனின் அனுமதியைக் கொண்டு உயிர் கொடுத்தல், 3) பிறவிக் குருடனுக்குப் பார்வையளித்தல், 4) வெண்குஷ்ட ரோகியைக் குணப்படுத்துதல், 5) இறந்தவரை அல்லாஹ்வின் உத்தரவு கொண்டு உயிர் பெறச் செய்தல் (5:110), 6) பிறா உண்பதை வீடடில் உள்ளவற்றை பார்க்காமலே அறிவித்தல் (3:49)

நான் ஏன் முஸ்லிம் ஆனேன் ???

– ரோமன் கத்தோலிக்க கிறிஸ்தவ கன்னியாஸ்திரி இரெனா ஹன்டோனோ – Irena Handono -


நான் ஆறு வயதாக இருக்கும் போது கிறிஸ்தவ தேவாலயத்தைச் சேர்ந்த பள்ளி ஒன்றுக்கு கத்தோலிக்க கிறிஸ்தவத்தைப் பற்றி பயில்வதற்காக அனுப்பப்பட்டேன்.

என்னுடைய படிப்பிற்கான முழு செலவுகளையும் அந்த தேவாலய நிர்வாகவே பொறுப்பு ஏற்றுக் கொணடிருந்தது. ஏனென்றால் என்னுடைய பெற்றோர்கள் இந்தோனேசியாவில் உள்ள மிகப்பெரிய சர்ச்சுகளில் ஒன்றின் அமைப்பாளர்கள் (Organisors) ஆவார்கள்.பின்னர் பருவ வயதில்… தேவாலயத்தைச் சேர்ந்த ”Liaision Maria” என்ற கல்வி நிறுவனத்தில் சேர்ந்தேன். Maria என்பது ஈஸா அலைஹிஸ்ஸலாம் அவர்களின் தாயார் மர்யம் அலைஹிஸ்ஸலாம் அவர்களைக் குறிக்கும்.

இந்த நிறுவனத்தின் முக்கிய குறிக்கோள் என்னவெனில் ”Stray Sheeps” என்று சொல்லப்படக் கூடிய ”காணாமல் போன ஆடுகளை” தேடுவதாகும். ”காணாமல் போன ஆடுகள்” என்று அவர்கள் குறிப்பிடுவது, நம்முடைய உணவுக்காகவும் ஈதுல்-அல்ஹா பெருநாள் குர்பானி கொடுப்பதற்காக அறுக்கிறோமே அந்த ஆடுகளை அல்ல. மாறாக ”காணாமல் போன ஆடுகள் என்று அவர்கள் குறிப்பிடுவது, ”கிறிஸ்தவர்களல்லாத மற்றவர்களை”. அதாவது இந்த பள்ளி வாசலில் குழுமியிருக்கும் நம்மைப் போன்ற முஸ்லிம்களை அவர்கள் ”காணாமல் போன ஆடுகள் என்று குறிப்பிடுகிறார்கள். நம்மையெல்லாம் கிறிஸ்தவர்களாக்கும் ஒரு மிகப்பெரும் செயல் திட்டம் அவர்களிடம் இருந்துக் கொண்டிருக்கிறது.

ஒரு வருடம் கழித்த பிறகு நான், இந்தோனேசியாவில் மிக அதிக அளவில் றுப்பினர்களையுடைய ஒரு கிறிஸ்தவ அமைப்பின் தலைவியானேன். பின்னர் கன்னியாஸ்திரி ஆவதற்காக ஒரு கிறிஸ்தவ தேவாலயத்தில் சேர்ந்தேன்.

சகோதர சகோதரிகளே! நான் ஒரு முஸ்லிம் ஆக வேண்டும் என்ற எண்ணம் எனக்கு ஒரு போதும் இருந்ததில்லை. நான் கன்னியாஸ்திரியாக வேண்டுமென்ற என்ற என்னுடைய எண்ணம் நிறைவேறியது. கன்னியாஸ்திரியாக வேண்டுமென்ற என்னுடைய எண்ணம் நிறைவேறியதிலிருந்து, அல்லாஹ் அவனுடைய அடிமையாகிய எனக்கு நேர்வழி காட்டத் துவங்கினான்.

பின்னர் கிறிஸ்தவ பாதிரியார்கள் படிக்கும் மேற்படிப்பாகிய மதங்கள் மற்றும் தத்துவங்களைப் பற்றிய (Theology & Philosophy) உயர்ந்த படிப்பைப் படிப்பதற்காக நான் அனுப்பப்பட்டேன். அங்கு நான் மதங்களைப் பற்றிய ஒப்பாய்வு (Comparative Religion) பாடங்களைப் படித்தேன். இஸ்லாத்தைப் பற்றி பயிற்றுவிக்கப்பட்டேன். ஆனால் உண்மையான இஸ்லாத்தைப் பற்றி அல்ல! இஸ்லாம் என்பது மிக மோசமான மதம் என்று பயிற்றுவிக்கப்பட்டேன்.

”இஸ்லாத்தைப் பற்றி நீங்கள் தெரிந்துக் கொள்ள வேண்டுமானால் இந்தோனேசியாவிலுள்ள முஸ்லிம்களைப் பாருங்கள்” என்று எங்களுக்கு விளக்கினார்கள்.

இந்தோனேசியாவில்,

o ஏழைகளாக இருக்கிறார்களே, அவர்களுடைய மதம் என்ன? – இஸ்லாம்

o முட்டாள்களாக இருக்கிறார்களே, அவர்களுடைய மதம் என்ன? – இஸ்லாம்

o வெள்ளிக் கிழமை தொழுகையின் போது தங்களின் காலனிகளை தொலைக்கிறார்களே, அவர்களுடைய மதம் என்ன? – இஸ்லாம்

o ஒற்றுமையாக இருப்பதற்கு மறுக்கிறார்களே, அவர்களுடைய மதம் என்ன? – இஸ்லாம்

o தீவிரவாதிகளாக இருக்கிறார்களே, அவர்களுடைய மதம் என்ன? – இஸ்லாம்

இவர்களுடைய இத்தகைய தவறான போதனையினால் என்னுடைய நன்பர்கள் அனைவரும் ”இஸ்லாம் என்பது ஒரு மிக மோசமான மதம்” என்ற தீர்மானத்திற்கு வந்தார்கள். ஆனால் அதே சமயத்தில் நான் அவர்கள் எடுத்திருக்கின்ற முடிவு உண்மைக்கு புறம்பானது என்றும் தவறானது என்றும் அவர்களிடம் கூறினேன். நான் அவர்களிடம், ”நாம் இந்தோனேசியாவை மட்டும் பார்க்கக் கூடாது, மற்ற நாடுகளில் உள்ள நிலவரங்களையும் நாம் பார்க்க வேண்டும்” என்று கூறினேன்.

உதாரணமாக,

பிலிப்பைன்ஸ் நாட்டில், ஏழைகளாகவும், படிப்பறிவில்லாதவர்களாகவும் இருக்கிறார்களே! அவர்களுடைய மதம் இஸ்லாம் அல்ல!.அவர்களெல்லாம் கத்தோலிக்க கிறிஸ்தவர்கள்.

மெக்ஸிகோ ஒரு ஏழை நாடு. அந்நாட்டில், குற்றவாளிகளாகவும், திருடர்களாகவும், குடிகாரர்களாகவும், கற்பழிப்பு செய்பவர்களாகவும், சூதாட்டக்காரர்களாகவும் இருக்கிறார்களே! அவர்களில் ஒருவர் கூட இஸ்லாமியர் அல்லர். அவர்கள் அனைவரும் கத்தோலிக்க கிறிஸ்தவர்கள்!

அயர்லாந்து குடியரசு நாடு. இந்த நாடு வடக்கு மற்றும் தெற்குப் பகுதிகளுக்கிடையே தீர்க்க இயலாத உள் நாட்டு பிரச்சனையில், சச்சரவில் சக்கித் தவிக்கும் ஒரு நாடு. இந்தப் சச்சரவில் ஒரு முஸ்லிம் கூட இல்லை. இந்தப் சச்சரவு நடப்பது கத்தோலிக்க மற்றும் புரோட்டஸ்டன்ட் கிறிஸ்தவர்களுக்கிடையில் தான். அவர்கள் தமக்குள்ளாகவே சன்டையிட்டுக் கொண்டு கொலை செய்கின்றார்கள். ஐரோப்பிய சமூகம் அவர்களை ”அயர்லாந்தின் தீவிரவாதிகள்” என்று கருதுகிறது. அவர்கள் ”ஐரோப்பிய தீவிரவாதிகள்” என்றும் வகைப்படுத்தப்படுகிறார்கள்.

இத்தாலியைப் பாருங்கள்! போதைப் பொருள் கடத்துபவர்கள், சூதாட்டக்காரர்கள் – இவர்களில் ஒருவர் கூட இஸ்லாமியர் அல்லர். அனைத்து மாஃபிய்யாக் கும்பல்களும் கத்தோலிக்க கிறிஸ்தவர்கள்.

அப்போது நான் என்னுடைய மேலதிகாரியான பாதிரியாரிடம், ”இஸ்லாம் ஒரு மோசமான மதம் என்று நிரூபிக்கப்படவில்லையே” கூறினேன். அப்போது நான், இஸ்லாத்தை, இஸ்லாமியர்களிடமிருந்தே படிக்க வேண்டும் என்ற ஒரு கோரிக்கையை முன் வைத்தேன். அதற்கு, ”நான் இஸ்லாத்தின் பலவீனங்களைப் பற்றி மட்டும் படிக்க வேண்டும்” என்ற கட்டுப்பாட்டுடன் அனுமதியளிக்கப்பட்டென்.

நான் குர்ஆனைப் படித்த போது, அது குறிப்பாக ”இறைவன் ஒருவனே! ஒரே ஒருவன் தான்” என்று வலியுறுத்தியது. அது நான் கிறிஸ்தவ தேவாலயங்களில் பயின்ற ”திரித்துவக் கடவுள் கொள்கைக்கு” (Trinity of God) முற்றிலும் மாற்றமானதாக இருந்தது. ஆனால் இரவில் நான் குர்ஆனைப் படித்தபோது (சூரா இக்லாஸ்), இறைவன் ஒருவனே! என்றிருக்கிறது. ஆனால் அன்று காலையிலோ தேவாலயத்தில் மதங்களைப் பற்றிய பாடத்தை ரெவ. பாதிரியார் அவர்கள் போதித்த போது ”கடவுள் ஒருவரே! ஆனால் மூவரில் இருக்கிறார் (திரித்துவம் – Trinity) என்று போதித்தார். அதனால் அந்த இரவில் ஒரு சக்தி என்னை மேலும் குர்ஆனைப் படிக்க உந்தியது. என் ஆழமான உள் மனது ”இறைவன் ஒருவனே! என்றும் மேலும் இது (குர்ஆன்) உண்மையானது தான்” என்றும் கூறிற்று.

மறு நாள் காலையில் தேவாலயத்தில் நான் என்னுடைய பாதிரியாரிடம், விவாதித்தேன்.

”கடவுளின் திரித்துவக் கொள்கை” (Trinity of God) என்பது பற்றி எனக்கு சரியாக விளங்கவில்லை என்று அவரிடம் நான் கூறினேன்.

கிறிஸ்தவ கன்னியாஸ்திரியாகிய நான் இதுவரைக்கும் கடவுளின் திரித்துவக் கொள்கையைப் பற்றி எப்படி விளக்கம் பெறாமல் இருக்கமுடியும் என்பதைப் பற்றி அந்த பாதிரியார் மிகவும் ஆச்சரியமடைந்தார். அந்தப் பாதிரியார் முன் வந்து ஒரு முக்கோனத்தை வரைந்தார். பின்னர் அவர், ஒரு முக்கோனத்திற்கு மூன்று மூலைகள் (three corners) இருப்பதைப் போல, ஒரு கடவுள் மூன்று பேரில் இருக்கிறார் என்று கூறினார்.

அதற்கு நான், உலகம் வேகமாக வளர்ச்சியடைந்து கொண்டிருக்கும். எனவே கடவுள் மூவரை வைத்து சமாளிப்பது என்பது கடினம். எனவே கடவுள் மற்றொருவருக்கு தேவையுடைவராக இருக்க சாத்தியக்கூறு இருக்கிறதல்லவா? இது சாத்தியம் தானே? என்று கேட்டேன் அதற்கு நன்கு கற்றறிந்த என்னுடைய பாதிரியார் ”இதற்கு சாத்தியமே இல்லை” என்று கூறினார். அதற்கு நான், இது சாத்தியமானதே! கூறி முன்னாள் வந்து, ஒரு சதுரத்தை வரைந்தேன். முக்கோனத்திற்கு மூன்று கோணங்கள் இருப்பதைப் போன்று சதுரத்திற்கு நான்கு மூலைகள் (Four corners) இருக்கின்றனவே என்று கூறினேன்.

அதற்கு நன்கு கற்றறிந்த என்னுடைய பாதிரியார், ”முடியாது” என்று கூறினார். முன்பு ”இதற்கு சாத்தியமே இல்லை” என்று கூறிய அவர், தற்போது ”முடியாது” என்று மட்டும் கூறினார்.

நான் கேட்டேன், ”ஏன்?”

அதற்கு பாதியார், ”இது நம்பிக்கை”. நீ புரிந்துக் கொண்டாயோ இல்லையோ அப்படியே ஏற்றுக்கொள், அப்படியே இதை விழுங்கிவிடு. இதைப் பற்றி கேள்விகள் எதுவும் கேட்காதே! கடவுளின் திரித்துவக் கொள்கையைப் பற்றி கேள்விகள் எதுவும் கேட்காதே! இதைப் பற்றி சந்தேகப்பட்டு கேள்வி கேட்டால் நீ பாவம் செய்தவளாகி விடுவாய்! என்று கூறினார்.

இந்த மாதிரியான பதில் எனக்கு கிடைக்கப் பெற்றும் அன்று இரவு குர்ஆனை தொடர்ந்து படிக்க வேண்டும் என்ற உறுதியான ஆர்வம் எனக்கு ஏற்பட்டது. ஏகத்துவம் குறித்த கடவுள் கொள்கையைக் குறித்து கற்றறிந்த என்னுடைய பாதிரியாருடன் விவாதம் செய்ய விரும்பினேன்.

ஒரு சமயம் நான் என்னுடைய பாதிரியாரிடம், ”இந்த மேசைகளை உருவாக்கியது யார்?” என்று கேட்டேன். அதற்கு பாதிரியார் பதிலளிக்க விரும்பாமல் என்னையே பதிலளிக்குமாறு கூறினார்.
அதற்கு நான் ”இந்த மேசைகளை உருவாக்கியது ‘தச்சர்கள்’ (Carpenters)” என்றேன்.

”ஏன்?” பாதிரியார் கேட்டார்.
அதற்கு நான் இந்த மேசைகள் ஒரு வருடத்திற்கு முன்பாகவோ அல்லது நூறு வருடத்திற்கு முன்பாகவோ உருவாக்கப்பட்டவைகள். இவைகள் இன்னமும் மேசைகளாகவே இருக்கின்றன. இந்த மேசைகள் எப்போதும் ”தச்சார்களாக” (Carpenters) மாறமுடியாது. மேலும் ஒரே ஒரு மேசை கூட தச்சராக (Carpenter) மாறுவதற்கு ஒருபோதும் முடியாது.

”நீ என்ன சொல்ல வருகிறாய்?” பாதிரியார் கேட்டார்.
அதற்கு நான், இந்த பிரபஞ்சத்திலே உள்ள மனிதன் உட்பட உயிருள்ள மற்றும் உயிரற்ற ஒவ்வொன்றையும் கடவுளே படைத்தார். ஒரு வருடத்திற்கு முன்னாள் ஒரு மனிதன் பிறந்தால் அடுத்து வரக் கூடிய நூறு வருடங்களாயினும் அவன் மனிதனாகவே இருப்பான். உலக முடிவு நாள் வரைக்கும் கூட அவன் மனிதனாகவே தான் இருப்பான். ஒரே ஒரு மனிதன் கூட கடவுளாக அவதாரம் எடுக்க முடியாது! மேலும் கடவுளை மனிதனோடு ஒப்பிட முடியாது.

அதற்கு நான் ஒரு உதாரணமும் கூறினேன். ஒரு இராணுவத்தில் உள்ள அனைவரும் ஒன்று சேர்ந்து தங்களில் ஒருவரை தேர்தெடுத்து அவரை தங்களின் ”ஜெனரலாக” தேர்தெடுத்தால் அந்த தேர்வு செல்லாததாகிவிடும். ஏன் அவர்களில் 99 சதவிகிதத்தினர் அவரை தேர்வு செய்திருப்பினும் சரியே!

”நீ என்ன சொல்ல வருகியாய்?” பாதிரியார்
அதற்கு நான், ”மனிதன் உட்பட இந்த பிரபஞ்சத்திலுள்ள அனைத்தையும் கடவுள் படைத்தார். மனிதர்கள் அனைவரும் ஒன்று சேர்ந்து ஒருவரைத் தேர்ந்தெடுத்து அவரை கடவுளாக ஆக்கினால் அந்த தேர்வு செல்லாதது” என்று நான் அந்த பாதிரியாரிடம் விளக்கினேன்.

பின்னர் நான் தொடர்ந்து படித்து வந்தேன். ஒருநாள் நான் என்னுடைய பாதிரியாரிடம், ”என்னுடைய ஆராய்ச்சிகளின் படியும், மதங்களைப் பற்றிப் வகுப்புகளில் படித்ததிலிருந்தும் கி.பி. 325 ஆம் ஆண்டில் தான் முதன் முதலாக இயேசு கடவுளாக கருதப்பட்டார்” என்று கூறினேன்.

இவ்வாறு இந்த கன்னிகாஸ்திரி அவர்கள் பலவிதங்களில் அந்த பாதிரியாரிடம் விவாதம் புரிந்ததாகக் கூறினார்கள்.

பலவித ஆராய்ச்சிகளுக்குப் பிறகு தாம் இஸ்லாமே ஏகத்துவத்தை வலியுத்தும் உண்மையான மார்க்கம் என்றறிந்து இஸ்லாத்தை தழுவிய இந்த முன்னாள் ரோமன் கத்தோலிக்க கிறிஸ்தவ மதத்தைச் சேர்ந்த கன்னிகாஸ்திரி Irena Handono அவர்கள் தற்போது இந்தோனேசியாவில் இருக்கும் Central Muslim Women Movement என்ற அமைப்பின் தலைவியாக இருந்துக் கொண்டு இஸ்லாமிய அழைப்புப் பணியைச் செய்து கொண்டுவருகிறார்.

அல்லாஹ் அவருக்கு அருள் புரிவானாகவும்.

( இக்கட்டுரை முன்னாள் ரோமன் கத்தோலிக்க கிறிஸ்தவ கன்னியாஸ்திரி Irena Handono அவர்கள் நான் ஏன் இஸ்லாத்தை தழுவினேன் என்று விளக்கிய வீடியோ தொகுப்பிலிருந்து சுவனத்தென்றல் நிர்வாகியால் எழுத்தாக்கம் செய்யப்பட்டதாகும்.)

”Jazaakallaahu khairan” – Suvanathendral.com

பிஞ்சு குழந்தைகளின் மனதில் நஞ்சை விதைக்கும் ஆர் .எஸ். எஸ். !!!!

பிஞ்சு குழந்தைகளின் மனதில் நஞ்சை விதைக்கும் ஆர் .எஸ். எஸ். !!!!

(அயோத்தியில் பஜ்ரங்தள் சிறார்களுக்கு ஆயுதப் பயிற்சி)

சிபிஐ வசம் இருக்கும் சில முக்கிய விடியோக்களை ஹெட்லைன்ஸ் டுடே என்ற செய்தித் தொலைக்காட்சி சேவை நிறுவனம் ஒலிஒளி பரப்பியது (6 விடியோக்கள்) . அவை அனைத்தும் பட்டாசு ரகங்கள். ஆர் எஸ் எஸ்ன் முக்கியத் தலைவர்கள் பயங்கரவாதிகள் என்ற உண்மை வெளிவந்தது. இந்தியாவின் குடியரசு துணைத் தலைவர் ஹமீத் அன்சாரியை கொல்வதற்கான திட்டங்களையும் வகுத்துள்ளனர் ஆர் எஸ் எஸ் பயங்கரவாதிகள்.
இந்த பயங்கரவாத கும்பலை இயக்கியவர்களில் ஒருவன்இந்திரேஸ் குமார். இவர் ஆர் எஸ் எஸ்ல் பல முக்கியப் பொறுப்புகள் வகிப்பவர். இவன் தான் காஷ்மீர் அமர்நாத் நிலப் பிரச்சினையை தூபம் போட்டு வளர்த்தவர்களில் ஒருவன். இவன் தான் நேபாள் மாவோயிஸ்டுகளுக்கு எதிராகவும் வேலை செய்துள்ளான். குறிப்பாக ஆர் எஸ் எஸ்ன் முஸ்லீம் பிரிவின் தலைவரே இவர்தான். என்னவொரு முரன்நகை? ஆர் எஸ் எஸ் கும்பல் முஸ்லீம் வேசம் போட்டு குண்டு வைக்கும் போது அதன் தலைவர்களோ முஸ்லீம்களுக்கு அமைப்பு ஏற்படுத்தி அதற்கு தலைமை வகிக்கிறார்கள்.

கடந்த சில வருடங்களில் நடந்த பல குண்டு வெடிப்புகளில் ஆர். எஸ். எஸ்ன் பாத்திரம் மீண்டும் மீண்டும் ஊர்ஜிதமாகி வந்துள்ளது. குறிப்பாக, மலேகான் குண்டு வெடிப்பு கைதுகள் விரிவாக நடந்து அதில் ஆர் எஸ் எஸ்ன் நேரடி பாத்திரம் மறுக்க இயலாத அளவு அம்பலமானது. ஆயினும் ஆர் எஸ் எஸை தடை செய்யவோ அதன் அலுவலகங்களை சோதனையிட்டு வெடிகுண்டுகளை பறிமுதல் செய்யவோ அரசு தயாராக இல்லை

(இந்து பயங்கரவாதி இந்திரேஸ் குமார் - ஆர் எஸ் எஸ் தலைவன்)

ஆர் எஸ் எஸ் இந்து பயங்கரவாதிகளும் மிகத் தைரியமாக பேசி வருவதும், ஏதோ முஸ்லீம் குண்டு வைச்சான் அதனால் நான் திருப்பி குண்டு வைக்கிறேன் என்பது போலவும் நியாயப்படுத்தி வந்துள்ளது. ஆர் எஸ் எஸ் பயங்கரவாதிகள் முஸ்லீம் வேசம் போட்டுக் கொண்டு இந்துக்கள் கூடும் இடங்களில் குண்டு வைத்து மாட்டிக் கொண்டுள்ளனர் என்பது இங்கு கவனிக்கத்தக்கது. மேலும் இதுவரை இவர்கள் மாட்டிக் கொண்டுள்ள குண்டு வெடிப்புகள் எதிலுமே அவை முஸ்லீம்கள் மீது பலி போடும் வகையிலேயே செய்துள்ளனர். ஆக இவர்களின் நோக்கம் மக்களை மத அடிப்படையில் மோத விட்டு ரத்தம் குடிக்க வேண்டும் என்பதே ஆகும். இஸ்லாம் பயங்கரவாதிகள் ஆர் எஸ் எஸ்ன் எதிர்பார்ப்புக்கு பொறுத்தமான அளவு அதிகமான குண்டு வெடிப்புகளை நிகழ்த்தவில்லை என்பதே இவர்களின் வருத்தம். வருத்தத்தை தீர்க்கும் வகையில் முஸ்லீம் வேசம் கட்டி ஆர் எஸ் எஸ் கும்பலே குண்டுகள் வைக்கத் தொடங்கிவிட்டனர்.

(இந்து பயங்கரவாதிகள் குண்டு வைத்துள்ள இடங்கள்)

மாட்டிக் கொண்டவர்களின் இன்னொரு பயங்கரவாத தலைவன், பாஜகவின் முன்னாள் இருமுறை எம்பி பி. எல். சர்மா. இவனும் மாலேகான் குண்டு வெடிப்பு முக்கிய குற்றவாளிகள் தாயனந்த் பாண்டே மற்றும் லெப்டினண்டு ஸ்ரீரிகாந்த் புரோகித் ஆகியோர் இந்தியா முழுவதும் குண்டு வைத்து லட்சக்கணக்கில் மக்களைக் கொல்வது குறித்து பேசுகின்ற விடியோவும் வெளியிடப்பட்டுள்ளது. ஆர் எஸ் எஸ்ன் முகமுடி அமைப்பான அபினவ் பாரத் என்ற பயங்கரவாத குழுவே முக்கிய குண்டு வெடிப்பு குற்றவாளி ஆகும். இந்த அமைப்புடன் பல விவாதங்களில் பங்கெடுத்துள்ளான் பாஜக முன்னாள் எம்பி சர்மா.

ஜனவரி 2008ல் பரிதாபாத்தில் நடந்த இவர்களின் கூட்டத்தில் (சர்மா மற்றும் பிற பயங்கரவாதிகள்) இந்திய குடியரசுத் துணைத்தலவரை கொல்லும் திட்டம் தோல்வியடைந்தது குறித்து விவாதித்துள்ள விடியோவும் அம்பலமாகியுள்ளது.

(பயங்கரவாதிகளின் அணிவகுப்பு)
ஆர் எஸ் எஸ் தலைவன் பயங்கரவாத கும்பலின் வழிகாட்டி இந்திரேஸ் குமார் பேட்டி எடுத்தது ஹெட்லைன்ஸ் டுடே. ஆர் எஸ் எஸ் ஒரு பயங்கரவாத அமைப்பு என்ற உண்மைகளை சொல்லி அவனிடம் பேசிய பொழுது மறுக்க வழியின்றி ஒடிவிட்டான் பயந்தாக்கொள்ளிப் பயல்.

உண்மைகளை வெளிப்படுத்திய குற்றத்திற்காக ஹெட்லைன்ஸ் டுடே நிறுவனத்தை ஆர் எஸ் எஸ் ரவுடிகளை அனுப்பி தாக்கியுள்ளனர். இந்தத் தாக்குதல் குறித்தும் ஆர் எஸ் எஸ் அம்பலமானது குறித்தும் பிற இந்திய ஊடகங்கள் அதிகபட்ச மௌனம் காத்தன (தெஹல்காவிற்கு காட்டியது போலவே).


ஆதாரங்கள் :

http://indiatoday.intoday.in/story/rss-leader-indresh-under-scanner-for-terror-links/1/105447.html

http://www.outlookindia.com/article.aspx?266145

ஆன்ரொய்ட் இயங்கு தளம் : தெரிந்ததும் தெரியாததும்!

ஆன்ரொய்ட் இயங்கு தளம் : தெரிந்ததும் தெரியாததும்!

முழுமையாக வாசிக்கவும்

உலகிலேயே சிறந்த மனிதனுக்கான விருதினை அள்ளி மனிதர்களில் சிறந்த மனிதன் என்ற உயரிய இடத்தினை மனிதர்கள் வழங்கும் அளவிற்கு மக்களின் தோள் கொடுக்கும் தோழனாய் இருக்கும் கணனிக்கு அச்சுறுத்தலாக உருவெடுத்துக் கொண்டிருக்கும் டெப்லட் மற்றும் ஸ்மார்ட் போன்களுக்கென உருவாக்கப்பட்ட பிரத்தியேக இயங்குதளமே அன்ரொய்ட்.


ஆண்டி முதல் அரசன் வரை அனைவரும் அனுபவிக்கும் வகையில் வளர்ந்து நிற்கும் தொழில்நுட்பத்தினால், உலகின் அத்தனை விடயங்களையும் அறிந்துகொண்டாலும் நம்மிடையே சர்வசாதாரணமாக புழக்கத்தில் இருக்கும் சில விடயங்கள் பற்றி தெரியாமலேயே அவற்றுடன் உறவாடிக்கொண்டிருக்கின்றோம். அதில் ஒன்றுதான் இந்த 'அன்ரொய்ட்' இயங்குதளம்.


ஸ்மார்ட் போன் மற்றும் டெப்லட் கணனிகளுக்கான சிறந்த இயங்குதளம் எது என்றால் பள்ளிக் குழந்தைகள் போல ஒருமித்து அதிகமானோர் கூறும் பதில் அன்ரொய்ட். ஆனால் இவ்வியங்குதளம் தொடர்பான அடுத்தடுத்தடுத்த கேள்விகளுக்கு விடையளிப்பதற்கு தயாராக இருப்பவர்கள் வெகுசிலரே.


உண்மையில் இயங்குதளம் என்பது குறித்த ஒரு சாதனத்தின் உயிர் எனலாம். உடலிலிருந்து உயிர் நீங்கினால் அல்லது நீக்கினால் உடல் இயக்கம் பூச்சியமாகவிடும். இது போன்றே குறித்த சாதனங்களின் உயிர் நாடியாகவே இயங்குதளங்கள் உள்ளன. இவற்றில் குறிப்பிடத்தக்க ஒரு இயங்குதளமே அன்ரொய்ட் இயங்கு தளம்.


இவ்வியங்குதளத்தின் சொந்தக்காரன் இணையத்தில் தனக்கென தனியிடம் பதித்துள்ள தேடல் பொறி இணையத்தளமான கூகுள் நிறுவனமே. ஸ்மார்ட் போன் மற்றும் டெப்லட் கணனிகளின் அறிமுகத்தின் போதே கூகுள் நிறுவனம் அவற்றின் வளர்ச்சி பின்னாளில் அசாதரமாணமாக இருக்குமென உணர்ந்து அவற்றிற்கான சந்தையில் ஊன்றுவதற்கு தகுந்த தருணத்தை பார்த்துக்கொண்டிருந்தது.


அப்போது இந்த அன்ரொய்ட் இயங்குதளம் மூலம் நுழைவதே சிறந்த வழி எனக் கண்டுகொண்டு அன்ரொய்ட் இயங்குதளத்துடன் சேர்ந்து கூகுள் நிறுவனமும் 2007 நவம்பர் 5ஆம் திகதி சந்தையில் அறிமுகமானது.


அன்ரொய்ட் நிறுவனத்தினால் உருவாக்கப்பட்டு பின்னர் கூகுள் நிறுவனத்தினால் வாங்கப்பட்டு அண்மையில் கூகுளினினால் நிர்வகிக்கப்படும் ஓப்பன் ஹேண்ட்செட் அலையன்ஸ் நிறுவனத்திற்கு மாற்றம் செய்யப்பட்டுள்ளது.


ஸ்மார்ட் போன் மற்றும் டெப்லட் கணினிகளுக்கென பிரத்தியேகமாக லினக்ஸ் கேணல் அடிப்படையில் ஜாவா மொழியில் எழுதக் கூடிய ஒரு திறந்த மூல (Open Source) இயங்கு தளமே அன்ரொய்ட்.


ஓப்பன் சோர்ஸ் இயங்கு தளம் என்பனால் இலகுவில் வளர்ச்சியடையக்கூடிய சாதக தன்மையை அன்ரொய்ட் கொண்டுள்ளது. மேலும் இதன் மூலம் 'Apps' எனக் கூறப்படும் 700 ஆயிரத்திற்கு மேற்பட்ட அப்ளிகேசன்களை கூகுள் நிறுவனத்தினால்; நிருவகிக்கப்படும் அன்ரொய்ட் மார்க்கெட் எனும் இணையத்தளத்தில் இன்று தரவிறக்கம் செய்யக் கூடியதாக உள்ளது.


இவ்விணையத்தளத்தில் சில எப்ஸ் இலவசமாகவும் சில எப்ஸ் கட்டணத்திற்கும் பெறக்கூடியதாக இருக்கின்றது. மேலும் அன்ரொய்ட் இயங்கு தளத்தினை கொண்ட சாதனங்களை பயன்படுத்த அன்ரொய்ட் மார்க்கட்டில் இணைய வேண்டும். அவ்வாறு இணையும் பட்சத்திலே அங்கே காணப்படும் எப்ஸ்களை தரவிறக்க முடியும்.


பணம் செலுத்தி தரவிறக்கம் செய்யும் எப்ஸ் பயனருக்கு பிடிக்கவில்லையாயின் கொள்வனவு செய்து 15 நிமிடத்திற்குள் எப்ஸ் இனை திருப்பிச்செலுத்தி பணத்தினையும் மீளப்பெற்றுக்கொள்ள முடியும். மேலும் இந்த எப்ஸ்களை அன்ரொய்ட் மார்க்கெட்டில் மட்டுமல்லாது மூன்றாம் தரப்பு இணையத்தளங்களிலும் பெறலாம்.


இவ்வாறு பயனருக்கு இலகு வழிகளை ஏற்படுத்தியுள்ளதனால் தற்போதைய நிலவரத்தின் படி ஒரு நாளைக்கு 1.3 மில்லியனிற்கும் அதிகமான அன்ரொய்ட் சாதனங்கள் புதிதாக செயற்படுத்தப்படுவதாக தெரிவிக்கப்படுகிறது. எனவே அன்ரொய்ட் ஏற்படுத்தியிருக்கும் தேவையை சற்று எண்ணிப்பாருங்கள்.


ஏ.ஆர்.எம், எம்.ஐ.பி.எஸ், ஒ86 போன்ற வன்பொருள் ஆதாரத்திற்கு ஆதரவளிக்கும் அன்ரொய்ட் இயங்குதளமானது. பீட்டா பதிப்பிலிருந்து தற்போது ஜெல்லிபீன் 4.2 பதிப்பு வரையிலும் பயனர்களின் தேவைக்கேற்றவாறு பல்வேறு மாற்றங்களை செய்து வெளியிட்டள்ளமை குறிப்பிடத்தக்கது.


வெளிவரும் புதிய பதிப்புக்களை நினைத்தவுடன் பயனர்கள் புதிப்பித்துக்கொள்ள முடியாது. பயனர்கள் கைவசம் உள்ள ஸ்மார்ட் போன் அல்லது டெப்லட் கணனி மாதிரிக்கு குறித்த நிறுவனங்கள் புதிய பதிப்பின் வசதியினை வழங்கும் போதே இதனை பழைய பயனர்கள் புதிப்பித்துக்கொள்ள முடியும்.


இது வரையில் வெளியான அன்ரொய்ட் இயங்கு தளத்தின் குறிப்பிடத்தக்க பதிப்புகளாக அன்ரொய்ட் 1.0, கப் கேக் (அன்ரொய்ட் 1.5), டொனட் (அன்ரொய்ட் 1.6), ஈகிளயர் (அன்ரொய்ட் 2.0), புரொயோ (அன்ரொய்ட் 2.2), ஜின்ஜர்பிறட் (அன்ரொய்ட் 2.3), கொனிகொம்ப் (அன்ரொய்ட் 3.0), ஐஸ் கிரீம் சேன்விச் (அன்ரொய்ட் 4.0) மற்றும் ஜெல்லிபீன் (4.2) வெளிவந்துள்ளது. பதிப்புக்கள் ஒவ்வொன்றிற்கும் கூகுள் இனிப்பான உணவின் பெயர்களையே சூட்டிவருகின்றது.


இவ்வியங்குதளத்தின் மூலம் பயனர்கள் அனுபவிக்ககூடிய பல வசதிகள் ஏனைய இயங்கு தளத்திலிருந்து சற்று மேம்பட்டதாக உள்ளது. தற்போதுள்ள அன்ரொய்ட் இயங்குதளத்திலுள்ள விஷேட அம்சங்களாக,
 
• இதன் ப்ளட் போம் பெரிய அளவு வீ.ஜி.ஏ, 2டி, 3டி போன்றவற்றிற்கு இணங்கும் வண்ணம் அமைந்துள்ளமை
 
• அதிகளவிலான கோப்புகளை சேகரிக்கக்கூடிய வசதி
 
• குறுந்தகவலிற்கு (SMS) புதிய உருவம் கொடுத்துள்ளது. த்ரட்டட் (Threaded SMS) எனப்படும் நவீன குறுந்தகவல் அனுப்பும் முறையில் செயற்படும் தன்மை.
 
• க்ளௌட் தொழில்நுட்பம் (Cloud Technology) அறிமுகம் செய்யப்பட்டது.
 
• GSM/EDGE, IDEN, CDMA, EV-DO, UMTS, Bluetooth, Wi-Fi, LTE, NFC and WiMAX போன்ற தொடர்பாடல் முறைமைகளுக்கு ஆதரவளிக்கும் திறன் வைபை ஹொட் ஸ்பொட்
 
• அதிக மொழிகளுக்கு இணங்கும் ஆற்றல்
 
• Multi touch மற்றும் Multi task முறையை கையாளக்கூடிய வசதி
 
• ஜாவாவிற்கு இசைவதுடன் கையடக்கத் தொலைபேசி பயன்பாட்டிற்காக வடிவமைக்கப்பட்ட வீ.எம் அமுலாக்கத்தை சிறப்பாகக் கொண்டுள்ளது.
 
• H.263, H.264 (3GPஇல் அல்லது MP4), MPEG-4 SP, AMR, AMR-WB, AAC, HE-AAC (MP4இல் அல்லது 3GP), MP3, MIDI, OGG வோர்பிஸ், WAV, JPEG, PNG, GIF, BMP போன்ற வடிவங்களுக்கு ஆதரவளிக்கின்து
 
• திறந்த மூல வெப்கிட் கட்டமைப்பை அடிப்படையாகக் கொண்ட உலவி காணப்படுகின்றது. அசிட்3 சோதனையில் இந்த உலவி 93/100 மதிப்பெண்களை எடுத்தமை குறிப்பிடத்தக்கது
 
• வீடியோ/நிழற்பட கேமராக்கள், தொடுதிரைகள், ஜிபிஎஸ், வேக அளமானிகள், காந்தவியல்மானிகள், (வன்பொருள் திசைஅமைவு, வரிசை படுத்துதல், பிக்சல் வடிவ நிலைமாற்றத்துடன்) துரிதப்படுத்தப்பட்ட 2டி பிட் பிலிட்கள் மற்றும் துரிதப்படுத்தப்பட்ட 3டி கிராபிக்ஸ் ஆகியவற்றை கொண்டுள்ளமை
 
• ஸ்க்ரீன் சொட் வசதி
 
• குரல் வளி கட்டளை வசதி
 
• வைபை ஹொட் ஸ்பொட்
என இன்னும் ஏராளமான சிறப்பம்சங்களை அன்ரொய்ட் இயங்குதளம் கொண்டுள்ளமையால் ஏனைய இயங்கு தளத்துடன் இருந்து சற்று விலகி மேம்பட்ட ஒரு இயங்கு தளமாகவே இது காணப்படுகிறது.


பயனர்களின் தேவைகள் பலவற்றை உணர்ந்து அதற்கேற்ற வகையில் பல உத்திகளின் மூலம் நிறைய வசதிகளை தன்னகத்தே கொண்டிருந்த போதும் ஒரு சில குறைபாடுகளும் இருக்கத்தான் செய்கிறது.

• அனிமேட்டட் .gif கோப்புகளுக்கு ஆதரவளிப்பதில்லை
 
• ஜாவா SE மற்றும் ME போன்ற நிலைநாட்டப்பட்ட ஜாவா தரங்களை பயன்படுத்துவதில்லை. ஜாவா இயங்கு தளங்களுக்காக மற்றும் அன்ரொய்ட் இயங்கு தளங்களுக்காக எழுதப்பட்ட ஜாவா பயன்பாடுகள் பலவற்றுள் ஒத்தியல்பைத் தடுக்கிறது
 
• அன்ரொய்ட் பல்வேறு பதிப்புகளில் வேலை செய்யும் பயன்பாடுகளைப் பராமரிப்பது மிகவும் கடினம் என உருவாக்குனர்கள் தெரிவித்தனர், ஏனெனில் அடுத்தடுத்த பதிப்புகளிடையே பல்வேறு தகுதியுடைமை பிரச்சினைகள் உள்ளன.


இது போன்ற மேலும் ஒரு சில குறைபாடுகளுடன் இந்த அன்ரொய்ட் இயங்கு தளம் காணப்பட்டபோதும் மிகப்பெரியளவில் இன்று மக்களை தன்வசம் ஈர்த்துள்ளது.


இன்றைய தலைமுறையினரின் உள்ளங்கவர் ஸ்மார்ட் போன் மற்றும் டெப்லட் போன்ற இலத்திரனியல் சாதனங்களில் இவ் அன்ரொய்ட் இயங்கு தளத்தினையே பெரிதும் எதிர்ப்பார்ப்பதனால் வரும் நாட்களில் தற்போதைய இடத்தினை விட மிகப் பெரும் இடத்தினை தக்க வைக்கும் ஆற்றல் அன்ரொய்ட் இற்கு உண்டு என்பதனால் பயனர்கள் அனைவரும் முடிந்தளவு இவ்வியங்குதளத்தின் சாதக பாதக நிலைமைகளை அறிந்து அதற்கேற்ற வகையில் இதனை அனுபவித்து மகிழலாமே...!

இஸ்லாம் – கேள்வி, பதில்கள் : அல்-குர்ஆன்

Q26) நூஹ் நபியின் கப்பல் எங்கு ஒதுங்கியது என குர்ஆன் கூறுகிறது?

A) ஜூதி மலையில் (11:44 )

Q27) குர்ஆனில் பெயர் குறிப்பிடப்பட்டுள்ள ஒரே ஒரு ஸஹாபியின் பெயர் என்ன?

A) ஜைத் பின் ஹாரித் (ரலி) அஹ்ஜாப் (33:37)

Q28) ஷைத்தான் எந்த இனத்தைச் சேர்ந்தவன் என குர்ஆன் குறிப்பிடுகிறது?

A) ஜின் இனம்

Q29) இஸ்ராயிலின் வழித்தோன்றல்களுக்கு கடமையாக்கப்பட்ட வணக்கங்கள் என குர்ஆன் குறிப்பிடுபவை எவைகளை?

A) தொழுகை மற்றும் ஜக்காத்

Q30) ‘பிஸ்மில்லாஹ்’ கூறி ஆரம்பம் செய்யப்படாத சூரா எது?

A) சூரத்துத் தவ்பா

Q31) ‘பிஸ்மில்லாஹ்’ இரண்டு முறை வரும் சூரா எது?

A) சூரத்துந் நம்ல் -எறும்புகள் (27:30)

Q32) குர்ஆன் முழுவதுவதுமாக இறக்கியருளப்பட எத்தனை வருடங்கள் ஆனது?

A) 23 வருடங்கள்

Q33) தொழுகையில் அவசியம் ஓதப்பட வேண்டிய சூரா எது?

A) அல்-பாத்திஹா

Q34) துஆ (பிரார்த்தனை) என குறிப்பிடப்படும் சூரா எது?

A) அல்-பாத்திஹா

Q35) திருமறையின் தோற்றுவாய் என குறிப்பிடப்படும் சூரா எது?

A) அல்-பாத்திஹா