இங்கே புனித இஸ்லாம் இருக்கிறது.. உண்மையான இஸ்லாமியர்கள் எங்கே..!?

                   

உலகின் மக்கள் தொகையில் முதலிடம் நோக்கி..
இஸ்லாம் வேகமாக முன்னேறுகிறதாம்..! இனி

மாற்றி எழுதுங்கள், இஸ்லாமிய பெயர் கொண்டவர்கள்
முதலிடம் நோக்கி முன்னேறுகிறார்கள் என..!

வட்டி வாங்கி திண்பவன் மறுமை நாளில்
பைத்தியம் பிடித்தவன் போல எழுவான்
என திருமறை கூறியும்..
வட்டி பைத்தியம் பிடித்தலையும்
எத்தனை ஹாஜிகள் இங்கே..!?

மஹர் கொடுத்து மணம் முடிக்க சொல்லியும்..
அற்ப காசுக்காக ஆண்மையை விற்கும்
அல்லாஹ்வின் பெயர் சொல்லி திரியும்
ஆண்மையற்றவர்கள் எத்தனை பேர் இங்கே..!?

பொறாமை, விறகை நெருப்பு தின்பது போல..
நன்மைகளை தீமை தின்றுவிடும் என அறிந்தும்
பிறர் வாழ்வது கண்டு பொறாமை தீயால்
வெந்து மடியும் தொப்பி அணிந்த பேராசைகாரன்
எத்தனை பேர் இங்கே..!?

விபசாரத்தின் பக்கம் கூட நெருங்காதீர்கள்..
என திருமறை எச்சரித்தும்..
வேசியின் பின்னால் அலையும்
இஸ்லாமிய மைந்தர்கள்..
எத்தனை பேர் இங்கே..!?

மது அருந்தாதிர்கள், மருந்தாக கூட
என உத்தம நபிகள்(ஸல்) அறிவித்தும்..
மதுவின் மயக்கத்தில் அலையும்..
எத்தனை முஸ்லிம்கள் இங்கே..!?

பிறரை நாமும் .. நம்மை பிறரும்..
குறைசொல்லியே காலத்தை கழிப்பதை விட்டு
இஸ்லாத்தின் தூய பாதையில் நடக்காதவரை
நாமெல்லாம் இஸ்லாமிய பெயர் கொண்டவர்கள் மட்டுமே..
இஸ்லாமியர்கள் அல்ல..!

ஏக இறைவன் என்னையும், உங்களையும்..
தூய முஸ்லிமாக ஆக்கி அருள்புரியட்டும்..!!